(9) Icigwa kigira Icenda : ORCHESTRATEUR na INGENIEUR DE SON bajejwe iki mu gisata co gukora ururirimbo ?

(9) Icigwa kigira Icenda : ‘ORCHESTRATEUR’ na ‘INGÉNIEUR DU
SON’ bajejwe iki mu gisata co gukora ururirimbo ?
(Ibi Vyigwa vyabuwe mu gatabo gashasha kitwa
“UGUKORA URURIRIMBO, KUVA MW’ITEGURWA RYARWO
GUSHIKA RUSOHOTSE” kanditswe na Mgr. Justin BARANSANANIKIYE)

1. Orchestrateur » ni nde, kandi akora iki ?
Mu muziki, iri jambo « ORCHESTRATEUR » rikoreshwa mu buryo bubiri butandukanye :
– Muri rusangi, turikoresha mu kuvuga ivy’ingabire (talent) n’ubumenyi (technique) vy’umu « Compositeur » w’indirimbo, ari we kandi nyene kwubura (kurema) ijwi ry’ururirimbo. Ijambo « Orchestration » rikomoka kuri iryo
« Orchestrateur », ni ukuvuga burya buhinga n’ubumenyi bwo gutunganya Umurwi wa ‘ORCHESTRE’ mu kunywanisha amajwi atandukanye y’ibicurarangisho vyose bivuzwamwo.
– Mu mvugo y’Ubuhinga bwo gukora (professionalisme) na ho, ijambo « ORCHESTRATEUR », cane-cane mu muziki wa ‘Jazz’ n’uwa ‘variétés’ n’uwa ‘Cinéma’, rikunda kwitiranwa na « ARRANGEUR ». Kubera ko aba ba « ARRANGEURS » baba barize cane bakaminuza mu Muziki, usanga kenshi bazi no gukora neza igikorwa co gupanga amajwi y’ibicurarangisho n’ukuntu bikwiye kuvuzwa (orchestration).
Hano mu Burundi, gushika muri uyu mwanya aka gatabo kanditswe, nta « Orchestre Symphonique » (ni ukuvuga umurwi ucuraranga ivyuma bitandukanye gusa ata kuririmba kurimwo) n’imwe turaronka. Umusi twayironse, igikorwa ca “ORCHESTRATEUR” kizoca kigaragara neza. « ORCHESTRATEUR» :
– Aratandukanye rwose na “Compositeur”. Turahanuye rero aba « Musiciens » bacu bareke kwiha ico gikorwa ca ORCHESTRATEUR. Ahubwo nibagire akigoro binjire muri INSTITUT DE MUSICOLOGIE I GITEGA bavyige, baheze bazokore neza uwo mwuga, bawuzi, bawufitiye n’impamyabushobozi.

– Akazi ka ORSHESTRATEUR ni uguheraheza ibijanye n’ugupanga ukuntu ibicurarangisho vyovuzwa mu ruririmbo, kugira rurushirizeho kuryoha. Mu yandi majambo, twovuga ko “arwambika ubwiza bw’amajwi y’ibicurarangisho aruryosha”.

Iyo ORCHESTRATEUR arangije igikorwa ciwe, hari aho ashobora gusaba “Compositeur” w’ururirimbo ngo arusubize kwa ARRANGEUR (canke akamutumako) kugira asuzume na we ko amajwi y’ibicurarangisho yongeyemwo atononye “ARRANGEMENTS” za mbere uyo yari yakoze. Tahura kandi mubone ingene Abahinga b’Umuziki bubahana kandi badasamburana! Ivyo biheze, ururirimbo rurashobora guca rurondererwa uwitwa “PRODUCTEUR DE MUSIQUE”, aza gushiramwo amafaranga. Ariko tutaravuga ivy’igikorwa c’uyo wundi muhinga, reka tubanze twige ku wundi akomeye cane yitwa : « Ingénieur du son »

2. «Ingénieur du son » ni umuhinga ajejwe ivyo gukurikirana ugusohoka neza kw’amajwi, haba mu Muziki, canke muri Cinéma, canke mw’Iradiyo, muri télévision, canke mu biteramo vy’ubwoko bwose (concerts na spectacles). Uyu rero, si umuhinga w’umuziki, ariko ni umuhinga akoresha imashini n’ivyuma vy’ubwoko bwinshi mu gufata amajwi (enregistrement), mu kuyavangavanga (mixage) canke kuyasohora (reproduction de sons). Hari ibikorwa bitatu «Ingénieur du son » ajejwe mu Muziki :
– ni we afata amajwi muri studio canke ahandi hantu aho ari ho hose, akayavangavanga kuri album imwe canke nyinshi. Ivyo arabikora haba muri concert nyene canke ahandi hantu hose ashatse.
– ku rundi ruhande na ho, «Ingénieur du son » arashobora kuba umuhinga karuhariwe (uwo twita spécialiste) w’ubwoko kanaka bw’umuziki (akarorero nka musique classique, Jazz, Rock, n’iyindi). Akenshi hari aba «Ingénieurs du son » bama baca bahitamwo kuba aba « producteurs » nk’uko twamaze kubigako. Iyo biramutse bigenze gurtyo rero, bene uyo mu « Producteur » ategerezwa kwama hafi y’abaririmvyi canke y’abacuraranzi biwe baba biyeguriye rwose uwo mwuga (professionnels) yiyemeje gukorana na bo. Ategerezwa rero kuba umuhinga wo kubahanura no kubakosora no kubaha umurongo mwiza atarya umunwa, kugira ibikorwa vyabo bisohoke bifise akanovera. Ni we abereka:
– Ukuntu indirimbo zabo zikwiye kwubakwa mu buhinga (structure)
– Ukuntu zikwiye kuvuzwa
– Akabatahuza n’ivyo baba bakwiye kwitega zimaze gufatwa amajwi
– Ukuntu indirimbo yoba nziza (aha aca akorana cane na « compositeur »wayo)
Aca akorana na Ingénieur du son mu gukurikirana igikorwa co kurondera ubwiza bw’ururirimbo no kwongeramwo ubuhinga bwose buba bukenewe. Akarorero, ni we abahitiramwo ubwoko bwa ‘micros’ bakwiye gukoresha mu kuririmba, n’ingene bazipanga, akabahitiramwo na ‘ampli’ bokoresha n’ukuntu amajwi yojana agereranye adasumbana, n’ibindi. Muri ico gihe, aca yegwa n’ibi bikorwa bikurikira :

a) Ugufata amajwi (prise de son)
Imbere yuko umuririmvyi canke umurwi w’abaririmvyi bafatwa amajwi (prise de son), «Ingénieur du son » ni we awutegura, akabereka uko bahagarara, akabaha micros bakoresha, agategura ‘installation y’ama casques’ baza gukoresha. Hageze kubafata amajwi na ho, «Ingénieur du son » arasuzuma ‘micro’ y’umwe-umwe wese ko itaduze cane kurenza urugero ku rupimo ruri ku vyuma vyiwe (saturation), agaca abanza kugira ico twita ‘ajustement du réglage des préamplificateurs micro’, agashinga urugero biza gufatirwako (balance musicale). Ugufata amajwi bishobora gukorwa mu buryo bwitwa ‘live’, aho abaririmvyi n’abacuraranzi bose hamwe bafatirwa amajwi rimwe. Birashobora kandi gukorwa mu gufata amajwi ku mirwi ku mirwi, ari vyo bita ‘overdub’, aho tuvuge hatangura nk’abavuza ingoma hagashirwamwo akamenyetso k’urugezo bagirako (tempo), hanyuma gurtyo-gurto hagakurikira gufata amajwi y’ibindi bicurarangisho, bikaza gukurikirwa n’abaririmba amajwi avanze (chœurs), hanyuma hakaza ibindi bicurarangisho bivuzwa ari vyonyene, hanyuma ibivyongerezako (doublage), mu nyuma hakaza umuririmvyi aririmba ‘solo’. Ico gikorwa co gufata amajwi gishobora gukorwa mu bice-bice bitandukanye, ari bwo buhinga bwitwa ‘punching-in’ na ‘punch-out’.

b) Ukuvangavanga canke uguteranya amajwi (Mixage)
Iyi ntambuko irahambaye cane mu bikorwa vya ‘ingénieur du son’. Kera, ugufata amajwi cari igikorwa bita ‘captation de musique uniquement acoustique’. Ariko muri bino bihe vy’ubu aho ubuhinga bwateye imbere cane, ‘Mixage’ ni yo yaje ituma imiziki yitwa ‘electroacoustique’ (ni ukuvuga yafatiwe mu duceduce ahantu hatandukanye) ishobora mu nyuma guhabwa ishusho nyayo canke umurongo nyawo, ikaba ururirimbo rwuzuye abantu bokwumviriza. Udukoresho twitwa ‘périphériques’ ni two twatumye bishoboka gukoresha amajwi yafatiwe ahandi hantu canke yahinguwe n’abahinga b’umuziki akajanwa mu ma studios yo guhingurirwamwo. Mu nyuma, hamaze kuza ubuhinga bwitwa ‘numériques’ na ‘logiciels spécialisés’, (ari vyo ‘software’ zitwa ‘plug-ins’), ico gikorwa co kuvangavanga caciye coroha cane.

c) Mastering: (gusohora “disque” izoba urufatiro mu kugwiza izindi nyinshi). Iyi ni yo ntambuko ya nyuma ururirimbo rucako imbere yuko rugwizwa ku ma disques menshi asa canke rugafatwa amajwi nka DVD. Iki gikorwa ni ico kunganisha urugero, n’amabara mu ntumbero yo kugira hazosohoke CD zisa. Tuzovyagura.
Institut de Musicologie de Gitega izotunganya ikibazo ku bagiye barakurikirana ibi vyigwa kuva ku ntango. Ico kibazo kizobamwo THEORIE na PRATIQUE muri studio, hanyuma abazotsinda bazohabwe Certificat yemeza ko bavyize. Ico kibazo kizobera i Gitega. Bizomenyeshwa nihagera ko gikorwa.

Twandikire :
INSTITUT DE MUSICOLOGIE DE GITEGA
B.P. 197 Gitega, Burundi
Tel : +257 79 877 097 ou +257 77 758 123
E-mail : baransajust@gmail.com
https://musicologygitega.wordpress.com

Publicités

Publié par

MUSICOLOGY GITEGA

Ancien professeur de Musique, Justin BARANSANANIKIYE fut l’un des fondateurs de l’Orchestre national du Burundi en 1977. Il a participé à différents programmes inter-africains pour la promotion de la Musique tenus au Niger, au Bénin et au Togo. En 1991, il reçoit son « Doctor of Divinity », et en 1993, son « Doctor of Ministry » de Asia Graduate University and Theological Seminary, ainsi que l’« International Culture Prize in Religion ». Evêque depuis 1999, il est le fondateur de L’INSTITUT DE MUSICOLOGIE DE GITEGA en 2013. Il est aussi auteur du livre "THE SWEEPING WAVE", (ISBN : 978-1-4567-8172-9) publié en 2011 aux éditions Authorhouse, Indiana, USA, et aussi "DE L'INANGA A LA GUITARE CLASSIQUE-L'HISTOIRE DE LA NAISSANCE DE LA MUSIQUE BURUNDAISE MODERNE" en 2014.

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s